Suplente na CMC
Garantisando kuido di kalidat haltu kaminda nos pashèntnan ta para sentral
Informashon general
Na Curaçao Medical Center nos ta dediká na brinda kalidat haltu di kuido médiko na e komunidat di Kòrsou. Pues kontinuamente nos ta buska profeshonalnan pashoná i talentoso pa fortalesé nos tim.
Suplente (Invaller)
Komo suplente (invaller) bo ta temporalmente remplasá nos empleadonan fiho den kuido médiko i garantisá ku kontinuamente e kuido na nos pashèntnan ta wòrdu ehersé.
Suplente (Waarnemer)
Komo suplente (waarnemer) na Curaçao Medical Center bo ta temporalmente responsabel pa e tareanan di e spesialista. Esaki lo ta nesesario durante vakashon, ousensia debi na malesa, òf otro motibunan di ousensia pa un periodo di máksimo 3 luna. Un suplente (waarnemer) ta hunga un ròl krusial den garantisá ku kuido médiko ta wòrdu ehersé kontinuamente i tambe kontribuí na e standart haltu di nos servisio di kuido médiko.
Sirugano eksterno
Curaçao Medical Center ta habrí pa risibí siruganonan eksterno ku ta dispuesto pa kompartí nan ekspertisio ku nos tim di spesialistanan. Komo sirugano eksterno bo ta praktiká operashonnan kompliká, trahando huntu ku nos tim di siruganonan fiho pa interkambiá ekspertisionan. Esaki ta brinda benefisionan pa nos pashèntnan i nos empleadonan pero tambe pa bo desaroyo personal.
Proseso di Aplikashon
Nos ta dediká na ofresé kuido médiko na nivel haltu i sostené e desaroyo profeshonal di nos empleadonan.
Bo ta interesá den forma parti di nos tim komo suplente (invaller/waarneemer) òf sirugano eksterno? Manda nos un email na recruitment@cmc.cw. Bo aplikashon ta wòrdu mandá na e tim di spesialista konserní pa un entrevista. Despues di aprobashon, e “HR Business Partner” lo tuma kontakto ku bo pa finalisá e parti atministrativo.
Bo ta kla pa forma parti di CMC?
Nos ta konsehábo pa apliká pa e vakatura ku ta mas adekuá pabo. Lamentablemente nos no ta risibí solisitut habrí.
Pa un lista mas amplio di nos vakaturanan klek e balki blanku ‘chèk tur vakatura’.
Tuma kontakto ku CMC