Kurso i desaroyo
Realisando i garantisando kuido di kalidat haltu kaminda nos pashèntnan ta para sentral. Esei ta e mishon di Curaçao Medical Center.
Informashon general
Na Curacao Medical Center, nos ta kometé na e kresementu kontinuo i desaroyo di nos empleadonan. Esei ta permití nos, komo profeshonalnan di kuido, pa kontribuí na e mihó kuido posibel pa nos pashèntnan. Kuido di kalidat ta kuminsá ku profeshonalnan bon entrená. E departamentu di Entrenamentu i Desaroyo na Curaçao Medical Center ta konsentrá riba e fortifikashon i siñamentu di kompetensianan nobo pa profeshonalnan di kuido. E manera aki, nos ta amplia nos konosementu práktiko i ta keda aktualisá riba e desaroyonan mas resien den e sektor médiko.
Nos Tim
Nos entrenadónan prátiko ta profeshonalnan di kuido ku tin hopi eksperiensiá, ta sertifiká den prosedimentunan tékniko di enfermeria i ta dominá Basic Life Support (BLS) i Advanced Cardiac Life Support (ACLS). Esei ta permití nan pa duna entrenamento di reanimashon tambe. Ademas, nos ta apoyá studiantenan den desaroyo di kompetensianan profeshonal spesífiko i ta ofresé oportunidatnan pa kore stazje. Nos ta duna entrenamentu adishonal den prosedimentunan tékniko di enfermeria i reservá pa empleadonan di institushonnan di kuido na Kòrsou, asina nan por keda kapasitá of bira kapasitá. Huntu, nos ta dediká na un integrashon fásil di trabou i enseñansa, kamind nos por promové kresementu individual i éksito organisashonal.
Skillscentrum
Nos ‘Skillscentrum’ ta duna entrenamentu ku ta enfoká riba mehorá i ampliá e konosementu i abilidatnan di nos personal. Nos ta enfoká tambe riba e tipo di enseñansa ku ta hasi uzo di scénarionan pa mehorá e kooperashon entre e koleganan. Esaki nann tur tin benefisio pa e kuido di pashèntnan. Tantu personal médiko, asistente di médiko, enfermeria komo e personal di kuido por sigui entrenamentu di abilidatnan aki.
Kolaborashon ku institutonan di edukashon
Nos ta traha huntu ku institutonan lokal i internashonal di estudio Sekundario i mbo/hbo-opleidingsinstituten. Tambe nos tin un estrecho kolaborashon ku e ‘Netherlands Antilles Foundation for Clinical Higher Education’ (NASHKO), un organisashon institushonalisa ku ta fasilitá transferensia di konosementu i formashon den kuido di salú. Nos kolaborashon ku NASKHO ta yuda nos mehorá e kalidat di e kuido médiko dor di ofresé entrenamentunan avansá i programmashon di enseñansa. Esaki ta pèrmití nos pa keda invert kontinuamente den e desaroyo di nos empleadonan, ku finalment ta bai den benefisio di e kalidat di kuido pa nos pashèntnan.
Interesadonan por tuma kontakto via opleiding&onderzoek@cmc.cw ku nan deseo i nesesidatnan spesífiko. Huntu kubo nos lo traha pa yega na un solushon na midí ku ta yudabu alkansá bo meta di desaroyo profesional. No ta importa si e ta pa sigui entrenamentu spesífiko, kontinuashon di formashon, òf pa diskuti posibilidatnan pa stazje i kolaborashon ku institutonan di enseñansa, nos ta aki pa asisti bo den esaki. Huntu kubo nos lo yudabu realisá bo ambishonan i promové ekselensia den kuido.
Bo ta kla pa forma parti di CMC?
Nos ta konsehábo pa apliká pa e vakatura ku ta mas adekuá pabo. Lamentablemente nos no ta risibí solisitut habrí.
Pa un lista mas amplio di nos vakaturanan klek e balki blanku ‘chèk tur vakatura’.
Tuma kontakto ku CMC