CMC komo dunadó di trabou

Curaçao Medical Center ta kaminda pashon, kompashon i ekselensia ta uni pa krea un kultura di trabou ekstraordinario.

Dikon traha na CMC?

Curaçao Medical Center ta kaminda pashon, kompashon i ekselensia ta uni pa krea un kultura di trabou ekstraordinario unda nos ta Sirbi ku Amor. Nos hòspital ta mas ku djis un lugá pa traha, e ta un komunidat kaminda individualnan ta ser balorá, respetá i sostené.

Preguntanan mas komun (FAQ)

Akinan nos ta apresiá diversidat i inklusividat. Nos ta rekonosé e diferensianan ku ta hasi nos mas fuerte. Nos tim ta komponé pa profeshonalnan dediká ku varios área di konosementu, trahando huntu harmoniosamente pa yega un meta komun: proveé kuido eksepshonal na nos pashèntnan i nan famia.

Loke nos ta para pe

Norma i balornan di CMC

Banda di maneho klá i prinsipionan organisashonal pa nos prosesonan di trabou i rutina diario, nos identidat i e manera kon CMC ta wòrdu persibí ta ser define primeramente pa nos balornan fundamental i komportashon. Pa esaki tambe tin algun prinsipio ku ta guia tur personal.

E balornan fundamental mas importante na CMC ta Culture, Care, Core i Cure

E kuater (4) C nan a ser inkorporá den nos logo i ta representá e base di elemento primario di kuido general den kombinashon ku e personalidat di e hòspital. “Culture, Care, Cure, Core” e pashènt i su nesesidatnan sentral den nos propósito. E palabranan akí ta basá riba e filosofia di enfermeria di Lydia Hall.

Culture (Kultura)

Ta para pa e gran diversidat di habitantenan na Kòrsou i e forma den kual nos ta apliká nos konosementu di diferente kultura den nos kuido. Siendo kulturalmente konsiente ta di gran importansia teniendo kuenta ku esaki ta personifiká rèspèt pa otro.

Care (Kuido)

Kuido korporal físiko, e kurpa. Pa por, profeshonalmente kuida i sostené e pashènt ku funshonamentu biológiko diario. Nos meta final ta pa brinda kuido di kalidat haltu i profeshonal ku kompashon i amor.

Core (Sentro/ Núkleo)

Uso terapeutiko propio, e persona. Desaroyá un relashon interpersonal ku e pashènt, yuda e pashènt ekspresá verbalmente su sintimentunan tokante e progreso di su malesa i e efektonan. Yudando e pashènt pasa den nan proseso mediante potensialmente kambionan di ‘lifestyle’, motivashon, komprondementu i aseptashon di sintimentunan.

Cure (Kura)

Guia e pashènt i su famia den e kuido médiko, e malesa. Esaki ta basá riba siensianan patológiko i terapeutiko i ta ser kompartí ku otro miembronan di e tim di kuido. Durante e aspekto akí di kuido di enfermería, e enfermero ta boga aktivamente pa e pashènt.

Un ambiente di trabou uniko

Na Curaçao Medical Center nos ta kere den e poder di traha huntu den tim. Nos sa ku trahando huntu, nos por logra mas i ofresé e mihó resultado posibel pa nos pashèntnan. Sea ku bo ta un enfermero, un investigadó pushando e límitenan di siensia médiko, òf un profeshonal sigurando pa operashonnan kana suave, lo bo tuma nota ku tur posishon ta forma parti integral di nos mishon pa kuido.

Ademas, di nos kompromiso pa trabou den ekipo, nos ta pone prioridat riba balansa entre bida personal i bida laboral i tambe riba bienestar di nos empleadonan. Nos ta komprondé e importansia di kuida nos mes pa asina por brinda mihó kuido na otro. Pa e motibu akí nos ta ofresé benefisionan integral (manera orarionan fleksibel di trabou), programanan di bienestar i oportunidatnan pa desaroyo profeshonal pa sostené bo kresementu personal i profeshonal.

Bo ke mas informashon? Manda nos un mensahe

"*" indicates required fields