Preguntanan mas komun

Preguntanan General

Ki tipo di oportunidatnan di karera ta disponibel na Curaçao Medical Center?

Nos ta ofresé un skala amplio di oportunidatnan di karera den diferente área, inkluyendo enfermeria, salubridat médiko i paramédiko, ròlnan administrativo, servisionan di sosten, i posishonnan di investigashon.

Bosnan ta ofresé stazje òf programanan di Asistente di Dòkter (ANIOS/AIOS)?

Si, nos ta ofresé stazje i programanan di Asistente di Dòkter (ANIOS/AIOS) den diferente departamentu. Por fabor wak nos sekshon di stazje i Asistente di Dòkter (ANIOS/AIOS) na e pagina di karera pa mas detaye.

Pa ki posishonnan boso semper tin vakatura?

Nos tin hopi diferente posishon den e hòspital. Di asistente di dòkter (ANIOS/AIOS) pa asistente botikario, i di enfermero pa asesor di komunikashon. Pa un resúmen di nos vakaturanan aktual, por fabor klek riba e logo di Curaçao Medical Center ariba na banda robes pa bishitá nos pagina inisial. Vakaturanan pa posishonnan pa kua nos ta kontinuamente buskando hende ta inkluí:
– Asistente di Dòkter (ANIOS/AIOS)
– Enfermero spesialisá (manera Enfermero di ICU, Enfermero di Emergensia i Enfermero di Diálisis)

Proseso di Solisitut

Kon por solisitá pa un posishon na Curaçao Medical Center?

Bo por solisitá pa un posishon online via nos portal di trabou. Simplemente buska posishonnan ku ta habrí, selektá esun ku bo ta interesá den dje i manda bo solisitut huntu ku bo CV i karta di motivashon.

Kon por solisitá pa un posishon di stazje na Curaçao Medical Center?

Studiantenan ku ta interesá den un stazje na Curaçao Medical Center mester manda un CV i karta di motivashon na opleiding&onderzoek@cmc.cw

Kon largu e proseso di solisitut ta dura?

E proseso di aplikashon normal ta dura 2-4 siman. Bo lo risibí un email di konfirmashon ora bo a manda bo solisitut, i nos lo tuma kontakto ku bo si bo a keda selektá pa un sita di solisitut.

Por a manda un solisitut habrí via e-mail?

Lamentablemente nos no ta risibí solisitut habrí. Pa un lista mas amplio di nos vakaturanan klek e balki hel ‘Wak tur vakatura’.

Benefisionan i ambiente di trabou

Ki benefisio boso ta ofresé empleado?

Nos ta ofresé un pakete di benefisio kompletu kual ta inkluí seguro di malesa, plan di penshun, tempu liber pagá (vakantiedagen), oportunidatnan pa desaroyo profeshonal i programanan di bienestar pa empleado.

Kon e kultura di trabou ta na Curaçao Medical Center?

Nos hòspital ta orguyoso di mantené un ambiente di trabou di sosten i kolaborashon. Nos ta balorá trabou den ekipo, kompashon i dedikashon na kuido médiko pa pashènt.

Entrenamentu i desaroyo

Boso ta ofresé oportunidatnan di entrenamentu i desaroyo pa empleado?

Si, nos ta ofresé diferente programanan di entrenamentu i oportunidatnan pa desaroyo profeshonal pa yuda nos empleadonan krese den nan karera. Esaki ta inkluí edukashon kontinuo, workshop, i sertifikashonnan i karta di motivashon.

Tin espasio pa avansa den bo karera den e hòspital?

Nos ta enkurashá nos empleadonan pa buska oportunidatnan di avanse di karera i nos ta duna sosten den esaki pa medio di publikashon interno di nos vakaturanan.

Sosten Adishonal

Kon mi por tuma kontakto si mi tin preguntanan tokante mi solisitut?

Si bo tin kualke preguntanan tokante bo solisitut, por fabor tuma kontakto ku nos departamentu di HR na recruitment@cmc.cw of +5999 745 0000 ekstenshon 1315. Nos ta akí pa asistí bo.

Pèrmit di Trabou

Mi por solisitá pa un trabou si mi no tin un pèrmit di trabou?

Si, bo por solisitá pa un trabou; sin embargo, bo mester tin e derechi legal pa traha na Kòrsou pa por kuminsa traha. Si bo no tin un pèrmit di trabou, bo no por kuminsa traha na CMC

Kon largu e proseso di spònser pa un pèrmit di trabou ta dura?

E durashon di e proseso por varia, pero normalmente e ta tuma algun luna for di e momentu di aplikashon te ku e emishon di e pèrmit di trabou. Nos ta rekomendá pa kuminsa e proseso mas trempan ku ta posibel pa evitá retraso.

Bo no a haña kontesta riba bo pregunta?

Tuma kontakto