Prosedura di solisitut
Pasonan pa solisitá
Paso 1: Solisitá
Interesá den un vakatura? Manda bo CV i karta di motivashon na recruitment@cmc.cw.
Paso 2: Prome selekshon
Nos tim di rekrutamentu ta ‘’screen’’ tur solisitut ku nos risibí i ta evaluá nan basá riba e rekisitonan di e funshon.
Paso 3: Prome entrevista di selekshon
Kandidatonan selekshoná ta haña un invitashon pa un promé entrevista. Durante esaki nos ta diskutí bo abilidat, eksperensia i motivashon.
Paso 4: Segunda entrevista òf evaluashon
Despues di e promé entrevista por sigui un segunda entrevista mas detayá òf un evaluashon, dependiendo di e rekisitonan di e funshon.
Paso 5: Oferta di trabou
Si bo ta ekitoso te aki, bo lo risibí un oferta di trabou di nos ku detaye tokante salario i kondishonnan di trabou.
Paso 6: Fase di evaluashon
Nos ta kuminsá ku e fase di evaluashon kual ta inkluí chekeo di referensia i un evaluashon médiko.
Paso 7: Kontrato di trabou i “onboarding”
Despues di un fase di “screening” eksitoso, bo lo risibí bo kontrato di trabou ofisial i dokumentonan di “onboarding”
Paso 8: Bon bini!
Paso 8: Bon bini na Curaçao Medical Center!
Siudadano Hulandes (no nasé na Kòrsou)
Prosedimentu di petishon pa un Verklaring van Rechtswege (VVR) pa traha na Kòrsou komo un siudadano Hulandes (no nasé na Kòrsou)
Kompilá e dokumentonan nesesario:
- Un Deklarashon di Komportashon (VOG)
- Un Verklaring van Rechtswege (VVR), ku mester wòrdu apliká na Hulanda
- Deklarashon di trabou i identifikashon di e doño di trabou
Manda bo petishon via e-mail na intake@immigrationcur.org:
- Sigurá ku tur dokumento ta di skèn i añadí esaki den forma di PDF den un (1) e-mail;
- E petishonario mester yena i firma e petishon elektrónikamente. Si yena elektrónikamente no ta posibel, yena e formulario ku letra grandi ku un pèn blou;
- Menshoná nòmber i fecha di nasementu di e petishonario den e suheto di e e-mail;
- Manda un e-mail separá pa kada persona. Si ta un pertishon di famia, menshoná esaki den e e-mail i menshoná nòmber di e aplikante prinsipal;
- Sigurá ku tur dokumento ta añadí konforme e lista di rekisito.
Pago di lege & retribushon
Sigurá ku e pago di lege & retribushon a keda kumplí.
Konfirmashon di e petishon
Despues di manda bo petishon kompleto bo lo risibí un konfirmashon ku e petishon a wòrdu tumá den proseso
Maneho na momentu di yegada na Kòrsou
Na momentu di yegada na Kòrsou bo mester paga e gastunan di leges i deklará e gastunan aki na yegada na Curaçao Medical Center.
Pa mas informashon i pa download e formularionan di petishon, por fabor bishitá e website di Gobiernu di Kòrsou na www.gobiernu.cw. Sigurá ku bo ta kumpli ku tur rekesito pa garantisá un proseso di aplikashon fásil.
Evaluashon médiko
Evaluashon médiko
Kualke persona ku ta bin traha na Curaçao Medical Center (CMC) mester kumpli ku algun rekisito médiko. Esaki ta importante, no solamente di un punto di bista médiko, sino tambe den e aspekto di responsabilidad i e seguro di kuido ku CMC ta ofresé na su personal. E hòspital ta karga responsabilidat di kuido propio, ku ta nifiká ku e hòspital ta karga e gastunan médiko kompleto pa malesa i gastunan di pèrdida di salario pa inkapasidat di trabou.
E evaluashon relashoná ku esaki ta un evaluashon di kapasidat di trabou i tambe un evaluashon di seguro.
Si bo ta bini di otro pais
Si bo no ta biba na Kòrsou, nos ta pidi bo pa hasi e evaluashon médiko den bo propio pais ku bo propio dòkter di kas òf dòkter di empresa. Sigurá ku e formularionan ta yená kompleto, legibel i tambe firmá i seyá. Paga tinu riba termino di valides di e investigashonnan (MRSA, TBC). Si e formularionan i resultado di tèstnan ta kompleto, por manda nan na nos Departamento di Trabou i Salú. E resultado lo keda evaluá pa e dòkter di empresa di Curaçao Medical Center. Pa kualke falta di informashon òf informashon adishonal, e dòkter di empresa lo informá bo. Bo por kuminsá ku trabou solamente ora tur dato ta risibí i e dòkter di empresa a duna su akuerdo.
Bo ta kla pa forma parti di CMC?
Nos ta konsehábo pa apliká pa e vakatura ku ta mas adekuá pabo. Lamentablemente nos no ta risibí solisitut habrí.
Pa un lista mas amplio di nos vakaturanan klek e balki blanku ‘chèk tur vakatura’.
Tuma kontakto ku CMC