Stazje na CMC
Risibí eksperensianan balioso i desaroyá bo konosementu práktiko via nos oportunidatnan di stazje na Curaçao Medical Center.
Informashon general
Komo un hòspital universitario, Curaçao Medical Center ta dediká na desaroyá futuro profeshonalnan den sektor di kuido di salú. Nos ke yama bon biní na tur studiante entusiasmá ku ta deseá di risibí eksperensia práktiko i trese perspektivanan nobo pa nos organisashon. Komo un organisashon rekonosé komo universitario, nos ta ofresé un variedat amplio di oportunidatnan pa studiantenan den sektor di kuido médiko i tambe departamentunan di sosten.
Sea ku bo ta un studiante di MBO, HBO òf universidat, nos ta brinda oportunidatnan di stazje adaptá na bo nivel di eksperensia i interes. Adishonalmente, nos a establesé akuerdonan di kolaborashon ku Instituto pa Formashon den Enfermeria (IFE) spesifikamente pa edukashon di Enfermeria General..
Proseso di Aplikashon pa stazje
Studiantenan interesá pa un stazje na Curaçao Medical Center mester manda un CV i karta na opleiding&onderzoek@cmc.cw
Despues di a prosesá bo aplikashon, lo bo risibí un mensahe di konfirmashon.
Despues di e entrevista, lo bo risibí un notifikashon di e resultado.
Tur futuro empleado i studiantenan ku ta desea kore stazje na Curaçao Medical Center, mester hasi un eksamen médiko general próme ku kuminsa traha/kore stazje na Curaçao Medical Center. E studiante ta responsabel pa e kostonan di e eksamen médiko.
E resultado di bo eksamen médiko mester wòrdu manda pa dòkter di ARBO pa evaluashon na e siguiente mail: michiel.vanderhuls@cmc.cw. E dòkter akí ta aprobá òf rechasá e studiante basá riba e aptitut di e studiante.
Ora e studiante wòrdu aprobá pa e dòkter di ARBO e por kuminsá su stazje na Curaçao Medical Center
Testimonio
Eksperensia di stazjèr
Haña sa mas tokante e eksperensianan di nos stazjèrnan na Curaçao Medical Center, kaminda nan ta kompartí nan eksperensianan i ilustrá ki impakto kore stazje na Curaçao Medical Center tin.
Testimonio: Stazjèr di HR Services
Duncan Coeriel, stazjèr di HR Services ta komaprtí su eksperensia komo stazjèr na CMC.
Duncan Coeriel
Bo ta kla pa forma parti di CMC?
Nos ta konsehábo pa apliká pa e vakatura ku ta mas adekuá pabo. Lamentablemente nos no ta risibí solisitut habrí.
Pa un lista mas amplio di nos vakaturanan klek e balki blanku ‘chèk tur vakatura’.
Tuma kontakto ku CMC